თბილისის მოდის კვირეულს წელს შერატონ მეტეხი პალასი უმასპინძლებს, 

რომელიც TFW- ს გახსნასთან ერთად მის 20 წლის იუბილესაც აღნიშნავს. 

მოდის კვირეული 3 მაისიდან 7 მაისის ჩათვლით გაიმართება.

კოლექციებს წარმოადგენს 10 საქართველოში და 3 უცხოეთში მოღვაწე ქართველი 

დიზაინერი და 15 newcomers - ანუ ახალბედა დიზაინერები, რომელთა შორისაც 

კონკურსი გაიმართება და 2 გამარჯვებულს გოეთეს ინსტიტუტი გადასცემს პრიზს, 

წინა კვირეულის 2 გამარჯვებულის - თამუნა ბოჩიკაშვილის და გიორგი ქებურიას 

კოლექციებს კი ძირითად კოლექციებთან ერთად ვიხილავთ, 

მათი კოლექციის შექმნას თბილისის მოდის კვირეულმა დააფინანსა.

ამავდროულად მოეწყობა after party -ები, შოურუმები და შერატონ 

მეტეხი პალასი 4-დან 8 მაისის ჩათვლით 20 ქართველი აქსესუარების 

დიზაინერების ნამუშევრების გამოფენა-გაყიდვას უმასპინძლებს, სადაც 

დასწრება ყველას შეეძლება 5-დან 10 სთ.-მდე. 8 მაისს კი ინტერნაციონალური 

სამოდელო კომპანიის FORD MODELS -ის შესარჩევი კონკურსი 

ჩატარდება - SUPERMODEL OF THE WORLD! სადაც 1 საუკეთესო 

ქართველ გოგონას აარჩევენ, რომელიც უცხოეთში გაემგზავრება და 

საერთაშორისო კონკურსში მიიღებს მონაწილეობას, რომელშიც 

50 ქვეყნის წარმომადგენელი მოდელი იღებს მონაწილეობას!

TFW-გახსნის დღე შერატონ მეტეხი პალასის იუბილესთან ერთად გაიმართება 

სადღესასწაულო გარემოში, აქვე წარმოდგენილი იქნება სიმონ მაჩაბლის 

ინსტალაციები. 11 სთ-სთვის კი Atelier 10a კოლექცია იქნება ნაჩვენები სასტუმროს ბალრუმში.

შემდეგ დღეებში Atare, atelier "Experiment", Anna Miminoshvili 

(მოსკოვიდან) და Marika Kenchadze გვიმასპინძლებენ; 

5 მაისი: Tamanini, Tamuna Bochikashvili, Manana Antelidze, George Shaghasvhili 

(დანიიდან, კოპენჰაგენი);6 მაისი კი ახალბედა დიზაინერების კოლექციით გაიხსნება, 

რომელსაც შემდეგ წინა მოდის კვირეულის ერთ-ერთი გამარჯვებულის 

George Keburia - კოლექციას ვიხილავთ TFW-ს ტენტში და მოგვიანებით კი 

Datuna Sulikashvili კვლავ გაგვაოცებს თეატრალურად გაფორმებული 

კოლექციით თბილისის საერთაშორისო აეროპორტის რკინიგზაზე!

7 მაისს კი მოდის მოყვარულები წინანდალს მიაშურებენ, სადაც Tamuna Ingorokva 

დახურავს თბილისის მოდის კვირეულის ამ სეზონს.