თმის ცვენა
ეფექტური  ხალხური მეთოდები

თმის ცვენის შესაჩერებლად ზოგჯერ ბუნებრივი პროდუქტები უფრო ეფექტიანია. 

გაიხსენეთ, ჩვენი ბებიები რომ გვირჩევდნენ - თავი დაიბანეთ რძით, ბურახით, 

შავი პურის ნაყენით. რადგან ეს პროდუქტები მდიდარია ამინომჟავებით, 

მიკროელემენტებით, ვიტამინებით..

- თმის ცვენას და მტვრევას შველის თავშავას, ვირისტერფას, პიტნის, 

გვირილის თანაბარი რაოდენობის ნარევი. 

3 ს/კ ნაერთს დაასხით 1ჩ/ჭ მდუღარე წყალი, წამოადუღეთ. შეგრილდეს და გადაწურეთ, 

დაამატეთ თბილი წყალი და დაბანილ თავზე გადაივლეთ, შეიზილეთ თმის ძირებში.

- თუ ცხიმიანი თმის პატრონი ბრძანდებით, მაშინ თავზე გადაივლეთ სალბის, 

ჟასმინის ყვავილისა და მუხის ქერქის ნახარში.

- თმის ცვენასა და ქერტლს შველის გვირლის და ჭინჭრის ნახარში. სხვათა შორის, 

ნაადრევი ჭაღარის შესაჩერებლად შეუცვლელია ჭინჭარი: 3 ს/კ გამხმარ ჭინჭარს 

დაასხით 1ლ მდუღარე წყალი, გააჩერეთ 1 საათი, გადაწურეთ და დაბანილ თავზე გადაივლეთ. 

ჭინჭრის ნაყენი და წვენი შეიძლება შეიზილოთ თმის ძირებში.