მცირე ბიოგრაფია Gisele Bündchen # 1 -ის შესახებ - 24 სექტემბერში 2011

ჟიზელ ბიუნდჰენის ფიზიკური და სულიერი სილამაზე

ჟიზელი მუდამ საუკეთესო მოდელთა სიის სათავეშია, იგი ყველაზე მოთხოვნადი და მაღალანაზღაურებადი მოდელია.
თუმცა, მისი წარმატებების უკან არამხოლოდ გარეგნული მშვენიერება. არამედ შრომისმოყვარეობა და საუკეთესო პიროვნული თვისებები დგას.
ჟიზელის კარიერა ჩვეულებრივად დაიწყო. ის აღმოაჩინა ერთ-ერთი სამოდელო სააგენტოს წარმომადგენელმა 14 წლის ასაკში, როდესაც მიმტანად მუშაობდა.

მას შემდეგ ჟიზელმა ითანამშრომლა ყველაზე ცნობილ მოდის სახლებთან და მას ყველაზე მოდური და გავლენიანი ჟურნალებისთვის იღებდნენ.
ბიუნდჰენი შევიდა გინესის რეკორდების წიგნშიც, როგორც ყველაზე მდიდარი მოდელი.

ერთ-ერთ ინტერვიუში მოდელი გამოტყდა, რომ სამოდელო ბიზნესში ფულისათვის მივიდა.
ახლა ჟიზელს უამრავი ფული აქვს,თუმცა კვლავაც თანამშრომლობს დიზაინერებთან და სარეკლამო კამპანიებში იღებს მონაწილეობას.
2001 წლიდან ჟიზელი პოდიუმზე ნაკლებად ჩანს, სამაგიეროდ მას ხშირად ნახავთ ჩვენებაზე მიწვეული ვარსკვლავების გვერდით.

ჟიზელის ცხოვრებაში უმთავრესი როლი Victoria's Secret-მა ითამაშა, მოდელი ცხრა წლის განმავლობაში უწევდა
რეკლამირებას VS-ს საუკეთესო თეთრეულს, ბიუნდჰენი დემონსტრირებას უწევდა 15 მილიონ დოლარად შეფასებულ ბიუსჰალტერს,
რომელიც ბრილიანტის თვლებით იყო მორთული. რაც არ უნდა იყოს, მოდელმა კარიერის საუკეთესო წლები VS-ში გაატარა.

ბიუნდჰენს მაჯასთან პატარა ტატუ აქვს, ვარსკვლავის გამოსახულებით. აი, რას ყვება ჟიზელი ტატუზე :
"ერთხელ, ნიუ-იორკში ვიყავი, ღამით ცაში ავიხედე, ლოცვა მინდოდა,მაგრამ ვერც ერთი ვარსკვლავი ვერ დავინახე,
ამიტომაც გადავწყვიტე ტატუს გაკეთება, რაგდან ეს პატარა ვარსკვლავი მუდამ ჩემთან ყოფილიყო."

ჟიზელისათვის ერთ-ერთი მთავარი საქმიანობა ქველმოქმედებაა, იგი ყოველწლიურად მისი შემოსავლის
(რომელიც შეადგენს 40 მილიონ დოლარს) 5%-ს რიცხავს გაჭირვებულთა დასახმარებლად.

ჟიზელი პუბლიკისათვის 2000 წელს ორმაგად პოპულიარული გახდა ლეონარდო დიკაპრიოსთან რომანით,
რომელმაც მხოლოდ 5 წელი გასტანა (2006-წელს კი დაშორდნენ) . ლეო ხშირად ერთობოდა მეგობრებთან ერთად და უფრო ხშირად კი "ავიწყდებოდა"
ჟიზელის დაპატიჟება. ეს ყველაფერი გოგონას საშინლად აბრაზებდა. წყვილი ერთმანეთს დაშორდა.
გოგონამ დიდი სტრესი მიიღო და თავისი ულამაზესი თმაც კი გადაიხოტრა.
"ეს ჩემი ცხოვრების არც ისე კარგი პერიოდი იყო, ვნატრობდი, რომ ბრაზილიაში გავფრენილიყავი და როგორმე დავმალულიყავი ყველასგან.
ჩემმა საქციელმა ვერანაირი დადებითი შედეგი ვერ გამოიღო, მე არასოდეს გადავიხოტრავ თავს, თმები ხომ ჩემი სავიზიტო ბარათია"

თუმცა დღეს მოდელის პირადი ცხოვრება ბევრად მშვიდია, ის მოსიყვარულე დედა და ცოლია,
გათხოვილია ფეხბურთელ ტომ ბრეიდზე და მათ ჰყავთ შვილი, სახელად ბენჟამინი.