როგორ შევარჩიოთ პომადა - 26 ოქტომბერში 2011

ცნობილი ბრენდები, რათა ქალბატონებს ტუჩების მოვლაში დაეხმარონ, პომადის შემადგენლობაში ცხიმებს,
ვიტამინებსა და მინერალებს, ულტრაიისფერი სხივების ფილტრებს უმატებენ.

Tumblr_ltj0f0h0yk1qah5ozo1_500_large

როდესაც ტუჩის საცხის საყიდლად მიდიხრთ ძალიან რთულია სწორედ თქვენი პომადა შეარჩიოთ.
არადა სტილისტები ამტკიცებენ, რომ სწორად შერჩეულ პომადას სასწაულის მოხდენა შეუძლია.

Tumblr_ltck06rztl1r1x3v1o1_500_large

ტუჩის საცხის თანამედროვე მოთხოვნები

ძალიან კარგია თუ მაღაზიას, სადაც თქვენ გადაწყვეტთ პომადის შეძენას,
ექნება საჩვენებელი ნიმუშები.
ეს თქვენ არჩევანის გაკეთებას ცხადია გაგიადვილებთ.
როდესაც პომადას ტუჩზე წაისვამთ არ უნდა გრძნობდეთ დისკომფორტს,
ანუ ტუჩები არ უნდა დაგეჭიმოთ, დაგიმძიმდეთ და არ უნდა მიგეკროთ.
პომადა კარგია თუ იგი ტუჩზე თითქმის არ იგრძნობა.
ყურადღება მიაქციეთ იმასაც, რომ პომადა წასმისას ტუჩზე თანაბრად უნდა ნაწილდებოდეს,
ტექსტურა კი ცხიმიანი არ უნდა იყოს, თუმცა არც ზედმეტად მშრალი.
არანაკლები მნიშვნელობა ენიჭება პომადის არომატს. რადგან თქვენ იგი რამდენიმე
თვის განმავლობაში უნდა იხმაროთ აუცილებელია, რომ მისი სუნი მოგწონდეთ.
რაც შეეხება პომადის ფერს იგი უნდა იყოს კარგად გაჯერებული.
თუ მწარმოებელს ტუჩის საცხზე არ აქვს მითითებული პიგმენტი,
ეს იმას ნიშნავს, რომ პროდუქტი ფალსიფიცირებულია.
მას შემდეგ, რაც ტუჩის საცხს შეარჩევთ დააკვირდით მის ზედაპირს.
იგი მყარი უნდა იყოს. მზიან ადგილზეც კი ხარისხიანი პომადა არ უნდა დნებოდეს

მრავალფეროვანი ტუჩის საცხები

ფერისა და ხარისხის, ასევე ფასში განსხვავების გარდა პომადები მახასიათებლებითაც განსხვავდებიან.
მაგალითად პომადა შეიძლება იყოს: გლუვი და პერლამუტრის, მდგრადი და ჩვეულერივი და ა.შ.
მთავარია იცოდეთ, რომელი მათგანი გიხდებათ.

Tumblr_ltl7p9cqbz1qjrmy3o1_500_large

ცხადია მნიშვნელოვანია ისიც თუ როგორ მაკიაჟს ანიჭებთ უპირატესობას,
ან კონკრეტულად რისთვის ყიდულობთ პომადას.

უკვე დიდი ხანია მოდაშია ბუნებრივი ფერის პომადები
( ბაცი ვარდისფერი, კრემისფერი, ღია ყავისფერი),
რომლებიც ტუჩებს სიმკვეთრეს ოდნავ მატებს.
ასეთი ფერები გამოიყენება ბუნებრივი, დღის მაკიაჟის გასაკეთებლად.

Tumblr_lrzn67poi81qh06dzo1_500_large

განსაკუთრებული შემთხვევებისთვის, როგორიცაა ღამის კლუბში წასვლა,
საზეიმო ღონისძიებებზე დასწრება და ა.შ. , ქალს უნდა ჰქონდეს ერთი განსხვავებული ფერის პომადა.
ეს შეიძლება იყოს გამომწვევი, წითელი ფერის ან მეწამული ტუჩის საცხი.

Tumblr_ltefvabhts1qezwu5o1_500_large

დაიმახსოვრეთ, რომ რაც უფრო ბრწყინავს პომადა მით მეტი სექსუალურობა ენიჭება გამოხედვას.
ამიტომ შეეცადეთ ასეთი ტუჩის საცხი სამსახურში არ გამოიყენოთ.

რაც შეეხება ქალბატონებს, რომლებიც დღის უმეტეს ნაწილს ოფისში ატარებენ,
მაგრამ სურთ მომხიბვლელობა სამსახურშიც შეინარჩუნონ,
მათ სტილისტები ღია ფერის გლუვი პომადების გამოყენებას ურჩევენ.